იმერეთის რეგიონში ჩქაროსნული ავტომაგისტრალის მშენებლობა იწყება. ამის შემდეგ ზესტაფონის, ქუთაისისა და სამტრედიის მუნიციპალური გზები სატრანზიტო მოძრაობისგან განიტვირთება. აღნიშნული ავტომაგისტრალის მშენებლობა-მოდერნიზაციის პროექტს საქართველოს მთავრობა იაპონიის საერთაშორისო ურთიერთობათა ასოციაციის (JICA) დაფინანსებით ახორციელებს.

ფოთის მუნიციპალური წყალმომარაგების პროექტის განხორციელებისთვის 27 მილიონი ლარი დაიხარჯა. ამ პროექტს ფოთის მოსახლეობისთვის 24 საათიანი წყალმომარაგება უნდა მოეტანა. ეს ამბავი ფოთელებს თვით პრეზიდენტმა ახარა ხარების დღესასწაულზე, მიმდინარე წლის 7 აპრილს. თუმცა დიდი დრო არ დასჭირვებია იმის გარკვევას, რომ ფოთის მოსახლეობა უბრალოდ მოატყუეს: მათ წყალი ყოველ მეორე დღეს, 5-6 საათის განმავლობაში მიეწოდება.